sábado, 17 de noviembre de 2012

Apoyemos la conservación del Parque Natural de Doñana

Para: Consejería de Medio Ambiente de la Junta de Andalucía Que se cumpla la Ley que protege el entorno del Parque Natural de Doñana. Para poder SALVAR la Cañada de los Pájaros, una Reserva Natural de Aves Concertada, que se encuentra en grave peligro de extinción, porque las fincas colindantes incumplen la Ley.

martes, 13 de noviembre de 2012

Nunca Máis!

 

VERDE, AZUL.

Verde, azul; azul y verde. 
Verde, negro; azul y negro. 
Negro de luto y de sombra,
 negro de miedo y congoja, 
que vienes sin esperarte 
como las malas personas.

Los piratas de la mar,
 que buscan sólo intereses, 
han sembrado, verde, negro,
 la costa toda de muerte.

El serpenteante encaje 
de vida y verdes rocas, 
de luto se va cubriendo 
con una indigna corona,
corona que mata vida,
la corona de la muerte,
que encona viejas heridas
 con el mortal “chapapote”.

En el clamor y el desorden,
qué hermosa lección supone
la ayuda de voluntarios,
 que no quieren ver la muerte,
que arrancan, genio incansable,
negra capa, que no verde,
repitiendo, golpe a golpe,
una batalla tan noble,
 que aleje de esta Galicia,
de la Galicia tan verde,
el manto que la envilece,
que la mata y ensombrece.

Galicia la pescadora,
 Galicia la marinera,
Galicia de los paisajes,
Galicia la de las sombras.

Valiente y recia tu gente,
trabajadora y paciente,
su pulso se ha disparado
clamando con voz caliente.

La firmeza de su ejemplo
en busca de soluciones,
va restallando en las mentes
de todos los españoles.

 Nuestra Galicia es de todos,
 de gentes sabias y nobles,
que quieren mirar las olas
sin negruras y sin sombras.
 Verde, azul; azul y verde.

Autor: Francisco Teva Jiménez Maestro



martes, 21 de agosto de 2012

Recapturado un exemplar de Folosa dos xuncos (A. schoenobaenus) procedente de Reino Unido nos canaveirais do Ulla


O pasado día 20 de agosto foi capturado un exemplar de Folosa dos xuncos (Acrocephalus schoenobaenus) cun anel metálico con remite do British Museum-London (Reino Unido). O rexistro produciuse durante unha xornada de anelamento científico nos canaveirais do esteiro do río Ulla no concello de Dodro, provincia de A Coruña.


Exemplar de Folosa dos xuncos portador de anel metálico con remite British Museum-London.

O exemplar de Folosa dos xuncos portaba un anel coa inscrición: L 189 226 BRIT MUSEUM LONDON SW7. Durante o proceso de manipulación para o seu estudo chegouse á conclusión de que o exemplar era un adulto (código de idade EURING 4), observouse a presenza dunha placa incubatriz en regresión o que determinaría o sexo do exemplar como femenino.

Canaveirais do río Ulla no concello de Dodro.


Datos biométricos do exemplar:

Peteiro: 15,7 mm.
Cabeza: 31,7 mm.
Tarso: 20,0 mm.
Cola: 46,0 mm.
Á: 61,5 mm.
2ª Primaria: 3,15.
3ª Primaria: 48,0 mm.
Muda activa: Non.
Graxa: 1
Músculo: 2
Peso: 10,1 gramos.
Hora de captura: 08:30 hora solar.
Estado da ave ao ser liberada: En boas condicións.

Para máis información, ou calquera consulta contactade comigo no enderezo electrónico: albertopastoriza@hotmail.com

Un saúdo.


jueves, 7 de junio de 2012

Biodiversidade galega



Despois de meses de preparación sae o blog Biodiversidade galega, unha voz que pretende unir ao mundo naturalista en Galicia a partir da súa biodiversidade, unha ferramenta na rede capaz de artellar unha mancomunidade de afeccionados e expertos nas diferentes especies que habitan o territorio galego, para coñecela, difundila e protexela. É un primeiro paso onde todos os entusiastas da natureza e da biodiversidade podan ir dando a coñecer as noticias, imaxes, estudos, denuncias, sobre o estado actual da biodiversidade galega. Pero esperamos non quedarnos aquí. Este só será un pequeno paso como preludio dun grande portal galego da biodiversidade.


É por iso que necesitamos da túa axuda. Da axuda de todos. Por que queremos crear un portal onde centralizar toda a información biolóxica existente, recollendo noticias doutros blogs e medios de comunicación, realizando artigos descritivos e fichas de identificación, propoñendo traballos de campo e actividades, promovendo colaboracións e artellando unha base de dados á que calquera puidese ter acceso para os seus estudos. Son necesarias persoas expertas nos distintos apartados que abrangue a biodiversidade, persoas que dominen aspectos informáticos, lingüísticos, legais así como entusiastas da natureza para o mantemento xeral do proxecto. Necesitamos biólogos expertos nos distintos grupos animais e vexetais. Necesitamos naturalistas para facer saídas ao campo, artigos, fichas de identificación, deseños, fotografías, vídeos. Necesitamos persoas con coñecementos informáticos para levar un servidor e un portal web. Necesitamos blogueiros, deseñadores, fotógrafos e toda persoa que queira colaborar connosco neste grande proxecto.

Dende noiteneghra, un enorme agradecemento aos impulsores desta iniciativa!! Os meus parabéns!!

Un saúdo.


jueves, 17 de mayo de 2012

130 alumnos ourensáns celebraron o día Internacional das Aves Migratorias na Aula da Natureza do río Miño



Na primeira quincena de maio 130 alumnos achegáronse á aula da natureza do río Miño en Ourense para celebrar o día Internacional das Aves Migratorias da PNUMA. Esta actividade desenvolvida pola Concellería de Educación do concello de Ourense e coordinada por Luis Herminio Amigo responsable de educación ambiental do devandito ente local.


As actividades consistiron en charlas de identificación de especies e observación no campo, acompañadas de actividades de marcaxe de aves silvestres.


Adxunto a presentación en powerpoint que realizamos durante as actividades desenvolvidas na aula da natureza do río Miño, nocións do anelamento de aves silvestres, impartido para os alumnos ourensáns (Tedes máis presentacións no seguinte enlace).



Grazas a Luis Herminio Amigo e a Raúl Fernández por contar coa nosa humilde colaboración.

Un saúdo.

martes, 1 de mayo de 2012

Os primeiros poliños de píllara das dunas do ano 2012 (Actualización 12/05)



O pasado día 30 de abril naceron na praia de Nerga, Cangas (Pontevedra) os primeiros poliños de píllara das dunas.


A situación da poboación da píllara das dunas en Galicia é bastante fráxil, cunha poboación reprodutora exigua estimada en 66-72 parellas (Figuerola, J. et al., en Libro rojo de las aves de España, 2004), o que provocou a súa inclusión como “Vulnerable” no Catálogo Galego de Especies Ameazadas, Decreto 88/2007 do 19 de abril. A principal ameaza deste limícola é a forte presión que soporta o seu restrinxido hábitat de reprodución polos usos recreativos das praias na época primaveral e estival, as actuacións de mantemento das mesmas, así como a destrución da vexetación da duna (en especial a da primeira liña da praia).





Dende o ano 2005 temos constatado a presenza de exemplares desta píllara no areal de Nerga (O Morrazo). As observacións producíronse a partir de finais de abril, coincidindo co período reprodutor da especie (abril-xullo), obtendo rexistros de cría confirmada nos anos 2005 e 2008, ambos con resultado de abandono do niño, trala posta.

A píllara aniña en pequenas depresións da area na zona alta da praia, entre a ladeira do primeiro cordón da duna e o nivel do mar en preamar, faixa onde se acumula a máxima presión por molestias causadas pola afluencia de visitantes ao areal (bañistas, paseantes, …), especialmente nos períodos de preamar. Son principalmente estas molestias, así como a entrada no areal de visitantes con cans a causa do fracaso reprodutor desta especie no areal Nerga.


ACTUALIZACIÓN: Hoxe (12/05) publicamos a localidade de nidificación desta especie ameazada en O Morrazo, pois xa non existe risco para o niño nin para os poliños.

Agradecer a tódalas persoas que visitaron o areal de Nerga e atenderon as nosas explicacións evitando molestar a parella de píllara. ¡Gracias pola vosa comprensión e colaboración! Tamén agradecer ao Servicio de Conservación da Natureza de Pontevedra a súa implicación na custodia do niño e da parella de píllara.

Moitas grazas por todo!!

Un saúdo.

domingo, 22 de abril de 2012

Curso de ornitoloxía na Aula da Natureza do río Miño, Ourense

A primeira quincena do mes de maio impartirei xunto a Raúl Fernández (responsable de Bilurico Medio Ambiente) e Luis Herminio Amigo (coordinador da Aula da Natureza río Miño) un curso de ornitoloxía con motivo da celebración do Día Mundial das Aves Migratorias, adxunto o programa do curso: Curso Ornitoloxia Aula Minho Ourense

jueves, 22 de marzo de 2012

Plegadis falcinellus en Vilanova de Arousa, Pontevedra



Onte, día 21/03, observamos 3 exemplares de Mazarico negro (Plegadis falcinellus) na zona intermareal de Vilanova de Arousa, Pontevedra. Dende principios de marzo, obsérvase unha irrupción desta especie por toda Galicia, con un número extraordinariamente alto de exemplares.

Un dos exemplares observados en Vilanova estaba marcado con anel plástico branco, pertencente ó programa de marcaxe da Estación Biológica de Doñana.